Westing-kontrakt med Torghatten

Dette opplyser skips- og industrimålingsleverandøren Westing i ei pressemelding tysdag.
Avtalen gjeld mellom anna levering av måling, vedlikehald og kursing knytta til alle Torghatten-fartøya.
- Vi er svært stolte av å ha inngått ein avtale om at vi bokstaveleg tala skal dekkje ei flåte på over 100 farty, med Westing og International måling sine løysingar. Dette seier Sigurd Teige, dagleg leiar i Westing, i pressemeldinga.
Torghatten er ein av Norge sine største aktørar innan kollektivtransport. Westing skal no i fem år framover levere måling til nybygg, samt vedlikehald, dokkingar og ombyggingar.

Vil verte leiande i Norge

Westing opplyser at som totalleverandør innan overflatebehandling, skal selskapet med sin kompetanse også gi Torghatten nødvendig oppfølging og assistanse ved behov. Dette omfattar utarbeiding av manualar for vedlikehald for kvart fartøy, samt kursing av mannskap om bord - og av teknisk personell på land.
Ved større vedlikehaldsprosjekt – og ved behov - vil Westing bistå med teknisk kompetanse.
Geir Baade, som er senior målingsrådgiver i Westing, opplyser i pressemeldinga at selskapet strekker seg etter å verte leiande på skips- og industrimåling i Norge.