Over 200 millionar i minus

Underskotet før skatt på 224,8 millionar kroner i 2019 er det største sidan rekka med underskot starta i 2014.
"Styret konstanterer at årsresultatet for 2019 ikke er tilfredsstillende. Både egenkapitalen og selskapets likviditet er anstrengt, og de iverksatte tiltakene gjennom 2019 med etablering innen nye segmenter har vært krevende. Styret anser dette som en av årsakene til det svake årsresultatet. Basert på prognosene for 2020 antar styret at likviditeten og egenkapitalen vil bedre seg gjennom året i takt med selskapets aktiviteter.", skriv styret i årsmelding for 2019.

To skip i arbeid

Ulstein Verft har overlevert to skip i år, eitt ekspedisjonscruiseskip og eitt servicefartøy til offshore-vindkraft-bransjen.
To skip, ein kabelleggar og eitt ekspedisjonscruiseskip skal leverast neste år.
Ulstein Verft er ein del av Ulstein Group-konsernet. Verftet sysselsette 277 årsverk i 2019.

Ingen vekst i markedet

Ulstein Verft ventar ikkje drahjelp frå ein veksande marknad med det første.
Skipsbyggingsaktiviteten i verda er den lågaste på 50 år, og 2019 var fjerde år på rad med ekstra lite nybygging, skriv Ulstein Verft i årsmeldinga for 2019.
Selskapet ventar heller ikkje vekst i etterspørselen etter den typen skip verftet har spesialisert seg på, men eit mogleg unntak for ein liten auke i bygging av serviceskip for vindkraftanlegg til havs.