ANALYSESå langt har tre av bilforhandlarane på Nordvestlandet lagt fram tala sine. Alle tre seier det same, bilsalet gjekk godt i fjor, og held fram like bra i år.Bilsalet plar vere ein god temperaturmålar for korleis stemninga er i økonomien. Er mange arbeidslause og folk redde for jobbane sine, er det fort gjort å sette bremsene på, og heller behalde den gamle bilen eitt år til.For eit knapt år sidan skreiv NETT NO at det var vanskeleg å tolke kva veg det bar for Nordvestlandet. Positive og svært negative signal sprikte i kvar sine retningar.No kan det sjå ut som om det i alle fall ikkje blir så mykje verre.Tal og vurderingar frå tre bilforhandlarar er eit spinkelt grunnlag å konkludere med at det ikkje går så verst i økonomien på Nordvestlandet, men no har det og kome signal som støttar opp under deira vurderingar.Fredag kunne Dagens Næringsliv fortelje at det bilforhandlarane seier til NETT NO går att i nesten alle oljefylka, frå Agder til og med Møre og Romsdal. Frå januar til april går nybilsalet opp. Unntaket er Rogaland, der det er eit fall på to prosent. Møre og Romsdal ligg heilt på topp, med ein auke på 8,2 prosent. Det er til og med høgare enn landsgjennomsnittet på 6,3 prosent.Dei siste arbeidsløysetala frå NAV er heller ikkje heilsvarte. Arbeidsløysa i Møre og Romsdal ligg framleis klart over tre prosent, den høgaste på mange år.Men arbeidsløysa stig ikkje lenger merkbart, og i følgje NAV er det bra gjennomtrekk av arbeidslause. Det betyr at mange som blir arbeidslause, får seg ny jobb etter kort tid. I Sogn og Fjordane er det rett og slett betre tider enn på lenge. Å nesten ikkje vere involvert i oljebransjen har blitt til ein fordel for fylket.Bustadprisane er heller ikkje fallande, tvert i mot.Og med unntak av Ulstein er det ingen oljenedtur å spore i nybyggingsmarknaden heller, seier bustadsentreprenør Einar Holsvik til NETT NO. Til og med i Herøy, der offshorereiarlaga er ein stor arbeidsgivar, er det lite nedtur å spore. Der har oppturen i fiskerinæringa gjort at det er mange som har fått meir mellom hendene enn dei hadde før.Nedtur i oljebransjen er ingen spøk for Nordvestlandet, og det å misse jobben er alvorleg for både dei som blir arbeidslause og alle rundt dei. Over 22.000 personar arbeidde i dei maritime bedriftene i Møre og Romsdal viste Møreforsking si klyngeanalyse for 2014. Forskingsstiftinga IRIS i Stavanger meiner i at det er enda fleire som arbeider i petroleumsrelaterte næringar, 28.520 i Møre og Romsdal og 4.800 i Sogn og Fjordane.Men så langt er det grunn til å konkludere med at det har gått overraskande bra. Motkreftene; lav rente, valutaeffekten og opptur for andre næringar dempar skadeverknadane. kjem det positive signal også frå den kanten. Dersom dei store intensjonsavtalane som Vard og Kleven har inngått i år blir omgjort til bindande kontrakter er ordreinngangen for norske verft allereie komen opp i rundt 10 milliardar kroner (NETT NO sitt anslag). Det er like bra som i heile fjor.Les meir: og Den delen av næringslivet som heilt sikkert får det tøffare er offshorereiarlaga. Det har ikkje blitt færre skip i opplag, og verknaden av eit lågare ratenivå vil truleg slå hardare inn framover.At selskap er oppfinnsame og maktar å finne nye marknadar for skipa sine, slik som og har greidd, er bra men ikkje nok.Bransjen er langt frå i mål med å refinansiere seg, og det pågår ein debatt om den i tillegg til refinansiering også treng restrukturering - der ein endar opp med færre og større selskap.Men det er ei sak for seg, og så langt ser det ikkje ut til at resten av næringslivet i nordvest står og fell med korleis det går med offshorereiarlaga.Det er kanskje ikkje noko rart med bilsalet likevel, men berre eit teikn på at store deler av økonomien går greit.