ANALYSEFleirtalskoalisjonen i Ålesund kommunestyre vil kutte utslepp av CO2, metan og lystgass med så mykje at det tilsvarar at alle bilar må gå på batteri, skipstrafikken må stoppe eller finne nye drivstoff og utsleppa frå søppelforbrenningsanlegget i Ålesund må kraftig ned innan 2030.Politikarane bak dette vedtaket vurderer at desse gassane er med på å skape ein drivhuseffekt, som gjer klimaet varmare - og at det er svært negativt. Så negativt at det også i Ålesund må ei kraftig omlegging til i måten samfunnet blir drive på.Det er både snakk om ei stor, og raskt omlegging.Når du set deg eit slikt mål er det rimeleg å gå ut frå at det ligg eit forståing om ei komande krise bak. Det går også fram av vedtaket frå fleirtalskoalisjonen etter kommunestyrevalet i 2019: "Ålesund kommune skal ta klimautfordringane på alvor. Vi set ambisiøse mål om kutt i utslepp innan 2030. Kommunen skal ha ein offensiv klimastrategi som vert følgd opp av klimarekneskap og klimabudsjett. FN sine berekraftsmål må ligge til grunn for all verksemd i kommunen. Ambisiøse mål må følgjast opp med konkrete tiltak og vi må ruste kommunen sin infrastruktur for klimaendringane som kjem."I ein krisesituasjon hastar det normalt med å finne tiltak for å kome seg ut av krisa.Fleirtalskoalisjonen bak vedtaket seier ingen ting om kor stor effekt tiltak i Ålesund får på klimaet globalt, og diskutere ei heller om kommunen heller berre burde konsentrerer seg om å finne tiltak for å handtere klimaendringar, i staden for å prøve å hindre dei.Nettsida registrerer og rapporterer utslepp av mellom anna CO2, og gir ei oppsummering av mål og forpliktingar land i verda har sett seg - mål opp mot den såkalla Paris-avtalen. Avtalen er slik at kvart land har sett seg sine mål, og blir målt opp mot dei. Kina, for eksempel, skal auke sine utslepp mange gangar meir fram til 2030 enn dei samla utsleppa i Noreg har årleg, i følgje anslaga i Climate Action Tracker.India, som også har over ein milliard innbyggarar, kjem og til å auke sine utslepp mange gangar meir enn dei samla årleg norske utsleppa, blir det anslått. (For USA peikar anslaga nedover).Men fleirtalskoalisjonen drøftar ikkje dette. Hadde dei gjort det kunne det vore ei forklaring at dei nøler med å handle.Men for Ålesund er det kutt som gjeld. Det er ei vurdering som mellom anna kan forsvarast med argumentet om at ingenting blir gjort om alle meiner det ikkje nyttar at dei gjer noko.Så kva skjer?Ikkje mykje.Kommunen har ikkje ein gang laga eit budsjett for korleis utsleppsmåla skal nåast. Også i det førre kommunestyret blei det bedt om eit slikt budsjett, så 2020 er det fjerde året på rad utan ein plan å jobbe ut i frå.Kommunen er rett nok i gang med å kartlegg utslepp knytt til kommunale innkjøp, for å kunne ta utslepp med i berekninga for innkjøpspoltikken sin.Komiteen for teknisk, miljø og samferdsel i Ålesund har nyleg gått inn for å lage ein "grønn strategi" som blant annet omfattar å "vurdere klimarisiko og behovet for klimatilpassing i all planlegging" og "gjennom aktiv miljøleiing redusere kommunens sitt klimafotavtrykk".Men når du meiner situasjonen er så alvorleg og krev så omfattande tiltak som fleirtalskoalisjonen meiner, så er det ein påfallande mangel på handling.Politiske utspel, krav og mål fortener å bli tatt på alvor. Det inneber også å følgje med på om dei er meir enn ord.