(NPK): Regjeringa har investert 20 millionar kroner til fire forskingsprosjekt for utvikling av fiskefôr i oppdrettsnæringa.
– Noreg har sterke innovative miljø innan fiskefôr. Eg er glad for den store interessa som no er vist for å utvikle nye, betre og meir klimavennlege fôrråvarer basert på lokale ressursar, seier fiskeri- og sjømatminister Odd Emil Ingebrigtsen i ei pressemelding.
To prosjekt, som høvesvis Fjordalg og Finnalg står bak, skal nytte mikroalgar som råvare, prosjektet til Synergifabrikken brukar råstoff frå skogsindustrien og Sintef Ocean, i samarbeid med bedriftene Skretting, Calanus og Gergewi, skal vidareutvikle småkrepsen raudåte som fôrråstoff.
– Havbruksnæringa trenger fiskefôr som er minst like bra og næringsrikt som det oppdrettsfisken får i dag, men det bør i større grad produserast av kortreiste, fornybare og gjerne norske råvarer, seier Ingebrigtsen.
(©NPK)
– Noreg har sterke innovative miljø innan fiskefôr. Eg er glad for den store interessa som no er vist for å utvikle nye, betre og meir klimavennlege fôrråvarer basert på lokale ressursar, seier fiskeri- og sjømatminister Odd Emil Ingebrigtsen i ei pressemelding.
To prosjekt, som høvesvis Fjordalg og Finnalg står bak, skal nytte mikroalgar som råvare, prosjektet til Synergifabrikken brukar råstoff frå skogsindustrien og Sintef Ocean, i samarbeid med bedriftene Skretting, Calanus og Gergewi, skal vidareutvikle småkrepsen raudåte som fôrråstoff.
– Havbruksnæringa trenger fiskefôr som er minst like bra og næringsrikt som det oppdrettsfisken får i dag, men det bør i større grad produserast av kortreiste, fornybare og gjerne norske råvarer, seier Ingebrigtsen.
(©NPK)
Publisert: 20.01.2021 14:11
Sist oppdatert: 10.02.2021 15:23
