Ap krev fleire koronatiltak for bedrifter

(NPK-NTB): Arbeidarpartiet vil gi tilskot i tillegg til den generelle kompensasjonsordninga til bedrifter som blir hardt ramma av lokale smitteverntiltak.
Sentralstyret i Ap vedtok måndag å krevje nye koronatiltak, mellom anna til bedrifter ramma av lokale tiltak.
– Arbeidarpartiet er villig til å bruke det som trengst for å komme gjennom krisa. Det vil truleg dreie seg om nokre hundre millionar kroner som hjelp til bedrifter som er ramma av dei generelle koronatiltaka, og som på toppen har fått lokale tiltak, seier Ap-leiar Joans Gahr Støre til .
Tilskotet skal bereknast ut frå omsetninga til bedrifta før pandemien.
Støre seier forslaget vil bli fremja for hastebehandling i Stortinget tysdag. SV har òg foreslått ei liknande ordning.
(©NPK)