Elbil-veksten held fram

NPK-NTB: I mars blei det registrert 14.401 nye personbilar i Noreg. Det er 7,5 prosent fleire enn i mars i fjor. 37,3 prosent av dei selde personbilane var elbilar.
Nissan Leaf blei vinnaren i mars med 2.172 nyregistreringar og ein marknadsdel på 15,1 prosent. Bortimot kvar sjette nye bil i mars er med andre ord ein Nissan Leaf, viser ferske tal frå (OFV).
I første kvartal blei det til saman registrert 33.799 personbilar, ein nedgang på heile 11,6 prosent samanlikna med første kvartal i fjor. Volkswagen toppar lista med 4.008 nyregistreringar. Deretter følgjer Nissan med 3.464 og Toyota med 3.276 nyregistrerte bilar
Gjennomsnittleg CO2-utslepp for alle nye personbilar registrert i mars var 63 gram/kilometer, 22 gram/kilometer lågare enn i mars 2017.
Dieseldelen held fram å falle. I mars hadde 16 prosent av alle nyregistrerte personbilar berre dieselmotor. For tolv månader sidan gjaldt dette nesten 25 prosent av dei nye bilane.
Éin av fem bilar hadde berre bensinmotor, ned frå vel 26 prosent i mars 2017.
Personbilane med hybriddrift hadde ein marknadsdel på 26,7 prosent i mars 2018, mens marknadsdelen i mars 2017 var 27,8 prosent
Det var 20 registreringsdagar i mars i år, noko som er tre færre enn i mars 2017