Fall i kraftproduksjonen

Totalt er det produsert 145 TWh her i landet i år.

Det viser tal frå dei europeiske systemoperatørane (ENTSOE). Det er knapt 7 prosent mindre enn i fjor, skriv Europower.

Nedgangen kjem av lågare vasskraftproduksjon i år enn i fjor. Ifølgje data frå ENTSOE har produksjonen frå vasskraft med magasinkapasitet falle med over 20 TWh i år.

Samtidig har produksjonen frå elvekraft vorte nesten dobla på eitt år, frå 12,7 til godt over 24 TWh, ifølgje statistikkane.

Samla vindkraftproduksjon endar på rundt 15 TWh i år. Det er ein vekst på 40 prosent det siste året. Vindkrafta utgjer dermed rundt 10 prosent av den totale kraftproduksjonen i Noreg i år.