Hareid Group leverer til to Rem-skip

Myklebust Verft AS og Hareid Group har signert kontraktar for store elektroleveransar om bord på to skip Rem Offshore skal bygge ved verftet. Det kjem fram i ei pressemelding. 

Utstyret skal om bord på dei to skipa til offshoreindustrien, som Herøy-reiarlaget bestilte frå Sande-verftet i fjor.

– Kontraktane bidreg til ein høg ordrereserve i Hareid Group med mange prosjekt som skal leverast dei neste åra, heiter det i meldinga. 

Den maritime delen av konsernet jobbar samtidig aktivt med å rekruttere fleire tilsette. 

Leveransane inkluderer komplette elektroinstallasjonar, tavler, startarar og fordelingar, landstraumstilkopling, nettverk, nødtavler, CCTV, underhaldnings- og kommunikasjonsutstyr, PA og overvakings- og brannalarmsystem, ifølgje meldinga.

Hareid Group har tidlegare sikra seg elektroinstallasjonane om bord på dei to ferjene Myklebust Verft skal bygge for Torghatten Nord.