– Havvind kan bli eit eksporteventyr

NPK: Energi Norge meiner ei satsing på havvind kan sikre Noreg ein posisjon som ei energistormakt etter det grøne skiftet.
– Utvikling av havvind på norsk sokkel vil gi betydelege moglegheiter for å skape nye arbeidsplassar og eksportinntekter. Det dreier seg både om utvikling av leverandørindustrien og auka moglegheiter for produksjon av fornybar kraft, seier administrerande direktør Knut Kroepelien i Energi Norge i ei pressemelding.
Norsk leverandørindustri har potensial til å ta ein betydeleg del av den globale marknaden på prosjektering og bygging av flytande havvind, og dette kan bli Noregs nye eksporteventyr, ifølgje Energi Norge.
– Ein velfungerande kraftmarknad er ein føresetnad for langsiktig og lønnsam utvikling av havvind. Derfor må det sikrast tilstrekkeleg infrastruktur for å gi vindkrafta marknadstilgang i Europa. Prosjekta bør kunne realiserast utan at straumkundar på land blir sitjande med rekninga for bygging av eit kraftnett i Nordsjøen, understrekar Kroepelien.