Høgt utdanna vil ha heimekontor

NPK-NTB: 64 prosent av høgt utdanna ønskjer å jobbe heimanfrå også etter koronapandemien, ifølgje ei undersøking.
Undersøkinga er gjennomført av Respons Analyse for Akademikerne, skriv VG.
– Koronakrisa har akselerert ei utvikling som vi har sett har vore på gang. Teknologien har gjort at det er større moglegheit for fleksibilitet i arbeidsdagen. Dei høgt utdanna ønskjer denne moglegheita og har teke ho i bruk tidlegare òg, seier leiar Kari Sollien i Akademikerne.