Inngår avtale med Momentium

Sørsida Utvikling meldte seint i går kveld, 29. november, at dei har inngått ein samarbeidsavtale med Momentium.

Avtalen inkluderar konseptutvikling, mulegheitsstudiar og generelt samarbeid om funksjonar og aktivitetar i Kulturhavna.

– Vi delar engasjementet for at kultur er ei viktig forutsetning for å skape gode byrom og dermed bra byar, seier dagleg leiar i Sørsida Utvikling, Peter Wahl Hareide.

Blir ikkje langstengt
Ein del av avtalen skal sikre at Terminalen ikkje blir stengt i veldig lange perioder i forbindelse med bygging på Sørsida.

Konseptfasa av Kulturhavna startar i januar 2024. Dette blir leia av Sørsida Utvikling, i samarbeid med Ålesund kommune og fylkeskommunen. Både private og offentlege kulturaktørar vil bli sentrale i arbeidet.

Festeavtalen for dagens lokasjon blei også forlenga samtidig som samarbeidsavtalen.

– Vi er veldig glade for å kunne inngå ein avtale der intensjonen er at Terminalen skal vere ein del av Kulturhavna på Sørsida, anten i eksisterande eller nytt bygg, fortel dagleg leiar i Momentium, Ante Giskeødegård.