Innleigereglar gir oppseiingar

NPK-NTB: I ei medlemsundersøking frå NHO svarer ein firedel av bedriftene at dei vil seie opp 1.600 tilsette som følgje av forbodet mot innleigd arbeidskraft.

Kvar anna bedrift seier dei må seie opp tilsette som følgje av dei nye reglane som er vedtekne i Stortinget, medan fire av ti bedrifter vurderer å endre forretningsmodell, skriv Aftenposten.

Svarprosenten i undersøkinga er låg, noko som fører til uvisse om det totale talet. Men dersom bedriftene som ikkje har svart, planlegg å seie opp like mange som bedriftene som har svart, er det snakk om 7.000 til 9.000 oppseiingar, opplyser NHO.

– Konsekvensane av desse tiltaka er ikkje skikkeleg greidd ut. Vi er med andre ord vitne til eit arbeidslivseksperiment, seier administrerande direktør Anne-Cecilie Kaltenborn i NHO Service og Handel.