Innovern fryktar nedlegging

Munnbindfabrikken Innovern har framleis ikkje fått noko nytt håp for framtida frå styresmaktene.

Sykkylven-bedrifta har venta på ei avklaring om offentlege anbod, og siste beskjed frå Sykehusinnkjøp er at det kjem ei beslutning i løpet av hausten, skriv avisa Nyss.

Innovern-gründer Lars Einar Riksheim ser for seg ulike moglegheiter. Ein av desse er kroken på døra.

– Vi vil gjerne bevare bedrifta, men vi må kanskje tenke nytt. Og gjer vi det, blir heile munnbindproduksjonen lagt ned, seier Riksheim til avisa.