Lang ventetid på vedomn

Høge straumprisar gjer at mange nordmenn ser etter alternative varmekjelder. Det fører til brennheit etterspurnad etter vedomnar.

– «Heile» Europa kjøper vedomnar og alternative varmekjelder for tida. Det er eit enormt etterslep i produksjon som kan forventast å vare ut neste år, kanskje også over i 2024.

Det seier dagleg leiar Anders Evensen ved Varmefag i Halden til NRK Oslo og Viken.

– Vi kan framleis levere ein del peisar og omnar innanfor akseptable tidsrammer, men dei mest populære modellane har leveringstider på 6 til 12 månader, seier Evensen.

Dei to siste åra har nær 340.000 nordmenn fått seg ny omn eller eldstad i heimen, viser Norsk Varmes siste landsomfattande undersøking.