NPK-NTB: LO og NHO har vorte samde i lønnsoppgjeret berre få timar etter at partane møttest til mekling måndag.
Det skriv LO i ei pressemelding klokka 16.23.
Partane kallar inn til pressekonferanse om resultatet på Riksmeklarens kontor i Oslo klokka 17.
LO og NHO møttest måndag formiddag til mekling i mellomoppgjeret på Riksmeklarens kontor i år, etter at det vart brot i forhandlingane tidlegare denne månaden.
Meklingsfristen var ved midnatt natt til onsdag, og nesten 25.000 fagorganiserte kunne bli tekne ut i streik onsdag morgon dersom det ikkje vart semje.
Den største usemja mellom partane har vore spørsmålet om lokale eller sentrale tillegg. NHO ville at mest mogleg av lønnsdanninga skal skje lokalt, medan LO og ville ha størst mogleg i sentralt tillegg.
Publisert: 31.03.2025 16:51
Sist oppdatert: 31.03.2025 16:51
