London-prisar til offshorereiarlag

Rem Offhore og Olympic-reiarlaga frå Herøy fekk kvar sin pris under den årlege Offshore Support Journal si kåring i London onsdag.

Rem Offshore fekk prisen for årets «energiskip», for Rem Power. Konstruksjonsservicefartøyet var det første reiarlaget fekk i flåten, som var spesiallaga frå starten for å betene havvindparkar. Skipet med dieselelektrisk framdrift blei levert frå Vard Søviknes-verftet i fjor vår.

Olympic Subsea fekk «sikkerheitsprisen» under den prestisjefylte kåringa. Den fekk dei saman med Scanreach for å ha utvikla og installert eit system for sporing av mannskap på fartøy, for å forbetre tryggleiken i nødssituasjonar, ifølgje ei melding frå arrangøren.