Låg gjeldsvekst for private

NPK-NTB: Veksten i den innanlandske lånegjelda i hushalda er framleis svært låg og tangerer den lågaste noteringa sidan tusenårsskiftet.

Dei siste tolv månadene har lånegjelda i hushalda vakse med 4,1 prosent, skriv Statistisk sentralbyrå (SSB).

Til saman hadde hushalda 4.155 milliardar kroner i innanlandsk lånegjeld ved utgangen av november.

– Det kan sjå ut til at gjeldsveksten for hushalda stabiliserer seg på eit lågare nivå, seier seniorrådgivar Even Oppedal.

For kommunane er det likevel ein kraftig oppgang. Dei siste tolv månadene har lånegjelda deira vakse med 5,4 prosent til 656 milliardar kroner.