Nordsjøavtale om vindkraft

NPK-NTB: Noreg, Danmark, Storbritannia og sju andre land skal inngå ein avtale om å levere 100 gigawatt straum frå havvind i Nordsjøen, melder Reuters.

Ifølgje nyheitsbyrået skal avtalen etter planen underteiknast på eit toppmøte om havvind i Hamburg måndag.

Landa forpliktar seg til å levere 100 gigawatt (GW) havvindkraft gjennom store fellesprosjekt, opplyser den britiske regjeringa.

Til samanlikning utgjorde Noregs totale installerte effekt for kraftproduksjon ved inngangen til fjoråret 40,3 gigawatt, og den klart største delen kjem frå vasskraft, ifølgje Noregs vassdrags- og energidirektorat (NVE).

Dermed utgjer det nye løftet frå Nordsjø-landa over dobbelt så mykje som Noregs installerte effekt.

Landa som måndag skal underteikne avtalen, er ifølgje Reuters Storbritannia, Belgia, Danmark, Frankrike, Tyskland, Island, Irland, Luxembourg, Nederland og Noreg.