Nordvestlandet kan få filmpris

EUFCN-European Film Commissions Network har valt ut fem europeiske filminnspelingsstadar til prisen for «Best European Filming Location of the year».

Heile tre av desse er i Norge – og to på Nordvestlandet, ifølgje ei pressemelding frå Destinasjon Ålesund & Sunnmøre.

Helsetkopen på Hellesylt i Stranda, som var åstad for Tom Cruise sitt stunt i Mission Impossible 7, og Romsdalsgondolen i Rauma frå HBO-serien Succession er to av dei nominerte.

Den tredje norske nominasjonen er Jotunheimen og Lom frå Troll-filmen – som også er delvis spelt inn på Nordvestlandet.

I ei periode kan publikum stemme sine favorittar.