Overkøyrde regjeringa om transportplanen

Eit fleirtal av SV, Høyre, Frp, Venstre, KrF og Raudt vart onsdag samde om fleire større samferdselsprosjekt i samband med ny nasjonal transportplan for 2025-2036.

Det gjeld mellom anna ny riksveg 15 over Strynefjellet, som skal framskundast til første periode av planen.

I utgangspunktet var ny Strynfjellsveg med arm til Geiranger, skyvd til siste del av planperioden.

– Dette er viktige prosjekt som no byggast langt raskare enn regjeringa la opp til, seier Frank Sve (Frp) til NTB.

Opposisjonspartia er også samde om å styrke satsinga på fylkesvegar, samanlikna med det Ap-Sp-regjeringa ønska.