Polar Seafrozen går inn i Jaangard

Selskapa Polar Seafrozen i Herøy og Molja i Ålesund slår seg saman, ifølgje Vestlandsnytt

Førstnemnte driv med kjøp og sal av fisk, medan Molja-selskapet har ein kommisjonsbasert meklarrolle i sal av kvitfisk.

Samanslåinga gir fordelar i form av tilgang på råstoff, betre kjøpekraft og større område for å rekruttere tilsette, ifølgje Bjørn Otterlei og Anders Per Vågsholm som er medeigarar i Polar Seafrozen.

– Vi trur det blir stadig vanskelegare å stå utanfor dei større miljøa i denne bransjen, seier dei til avisa.

Drifta og arbeidsplassen til dei tilsette vil vere som i dag, medan drifta blir organisert via eit felles eigarselskap. Jangaard-konsernet som er eigd av Haagensen-familien i Ålesund vil eige 51 prosent av det nye selskapet.

I fjor gjekk inntektene litt ned og lønsemda litt opp for Polar Seafrozen. Jangaard-konsernet gjekk i pluss på hotell og eigedom, og i minus på fiskeverksemda i 2023.