Prisveksten tok lønsveksten

NPK-NTB: Over åra 2015 til 2023 blir det nær null vekst i reallønna. Ikkje sidan 80-talet har nordmenn hatt ei like svak lønnsutvikling.

Frå 2015 til 2023 ser reallønna ut til å auke med berre 0,4 prosent samla sett. Prisveksten har teke heile lønnsveksten, skriv E24.

- Med denne utviklinga vil reallønna nesten ikkje ha auka sidan 2015. Vi må tilbake til 1980-talet for å finne ei like svak lønnsutvikling over ein så lang tidsperiode, skriv Statistisk sentralbyrå i den økonomiske analysen sin .

Avisa har snakka med forskar Thomas von Brasch i SSB som peikar på oljeprisen, pandemien og krigen i Ukraina som tre forhold som kan forklare lønnsutviklinga. I stor grad kjem alt dette til uttrykk i prisane på straum og drivstoff.

SSBs anslag for lønnsveksten i år er 5 prosent.

– Anslaget er såpass høgt fordi lønnsemda i industrien er god, ikkje fordi arbeidstakarane skal hente inn tidlegare års tap i reallønna. Men med same anslag for prisveksten, anslår vi veksten i reallønn til null i år, seier von Brasch til avisa.