Rekordmange har kjøpt bustad i sommar

(NPK-NTB): Bustadprisane steig med 0,4 prosent i juli. Korrigert for sesongvariasjonar steig prisane med 0,9 prosent.
Bustadprisane er no 5 prosent høgare enn for eitt år sidan, ifølgje Eiendom Norge.
– I juli vart det selt nesten 45 prosent fleire brukte bustader enn i juli 2019. Rekordmange har brukt sommaren til å handle bustad, og omsetnadsfallet i bustadmarknaden i kjølvatnet av koronautbrotet i mars og april er meir enn henta inn att ved utgangen av juli, seier administrerande direktør Henning Lauridsen i Eiendom Norge.