(NPK-NTB): I juli eksporterte Noreg sjømat for 7,9 milliardar kroner, noko som er på same nivå som juli i fjor.
– Valutasituasjonen er framleis fordelaktig for sjømateksporten, sjølv om den norske krona har styrkt seg den siste tida. Samtidig har situasjonen i Asia framleis ikkje normalisert etter at det i juni vart fatta mistanke om smittefunn på ein matmarknad i Kina, seier Tom-Jørgen Gangsø, direktør for marknadsinnsikt og marknadstilgang i Noregs sjømatråd.
– Samtidig er den generelle turismen lågare enn i fjor, med færre fraktmoglegheiter og nokre restriksjonar i enkeltmarknader. Den europeiske marknaden importerer totalt sett større volum, men til ein lågare pris, held han fram.
Totalt har Noreg eksportert sjømat til ein verdi av 60,8 milliardar kroner så langt i år. Eksportverdien har auka med tre prosent frå same periode i fjor.
Lakseeksporten har auka i volum, men sokke i verdi, særleg på grunn av mindre etterspurnad i den asiatiske marknaden. Salet av laks til Polen, Frankrike og Tyskland auka på si side sterkt. Aureeksporten auka med 43 prosent i juli samanlikna med same månad i fjor.
Noreg eksporterte òg meir fersk og frosen torsk, saltfisk, tørrfisk og makrell enn i same periode i fjor, medan salet av klippfisk fall kraftig og sild, kongekrabbe og reker fall òg.
(©NPK)
– Valutasituasjonen er framleis fordelaktig for sjømateksporten, sjølv om den norske krona har styrkt seg den siste tida. Samtidig har situasjonen i Asia framleis ikkje normalisert etter at det i juni vart fatta mistanke om smittefunn på ein matmarknad i Kina, seier Tom-Jørgen Gangsø, direktør for marknadsinnsikt og marknadstilgang i Noregs sjømatråd.
– Samtidig er den generelle turismen lågare enn i fjor, med færre fraktmoglegheiter og nokre restriksjonar i enkeltmarknader. Den europeiske marknaden importerer totalt sett større volum, men til ein lågare pris, held han fram.
Totalt har Noreg eksportert sjømat til ein verdi av 60,8 milliardar kroner så langt i år. Eksportverdien har auka med tre prosent frå same periode i fjor.
Lakseeksporten har auka i volum, men sokke i verdi, særleg på grunn av mindre etterspurnad i den asiatiske marknaden. Salet av laks til Polen, Frankrike og Tyskland auka på si side sterkt. Aureeksporten auka med 43 prosent i juli samanlikna med same månad i fjor.
Noreg eksporterte òg meir fersk og frosen torsk, saltfisk, tørrfisk og makrell enn i same periode i fjor, medan salet av klippfisk fall kraftig og sild, kongekrabbe og reker fall òg.
(©NPK)
Publisert: 05.08.2020 08:15
Sist oppdatert: 10.02.2021 15:25
