(NPK): Samferdselsdepartementet har no fått oppdaterte utrekningar av kostnader og lønsemd i nye prosjekt for den neste nasjonale transportplanen som skal gjelde for perioden 2022–2033.
– Dette er eit viktig grunnlag for det vidare arbeidet vårt og vil hjelpe oss å bruke ressursane best mogleg i Nasjonal transportplan 2022–2033, seier samferdselsminister Knut Arild Hareide i ei pressemelding.
Jernbanedirektoratet, Bane NOR, Kystverket, Nye Veier AS, Statens vegvesen og Avinor AS har tidlegare foreslått kva for prosjekt som bør prioriterast i ny transportplan. No har samferdselsministeren fått oppdaterte berekningar av kostnader og samfunnsøkonomisk lønsemd.
Store innsparingar og nytenking gjer at Statens vegvesen kan foreslå 46 store vegprosjekt og strekningsutbetringar i første del av transportplanperioden. Dette er prosjekt som er klare for utbygging.
– Dette er eit resultat av at Vegvesenet har redusert kostnader med 50 milliardar kroner på vegprosjekta som ligg i NTP. Dermed kan vi foreslå at nye prosjekt vert prioritert inn, seier vegdirektør Ingrid Dahl Hovland i ei pressemelding.
– Verksemdene våre skal jobbe kontinuerleg med å redusere kostnader og få opp nytten i alle prosjekt og tiltak, slik at vi bruker fellesskapsressursane best mogleg. Vi skal no setje oss grundig inn i oppdaterte tal. Eg er kjent med at nye berekningar også gjer at det no er trekt fram nye tiltak og prosjekt. Samla gir dette eit nytt bilete av kva for prosjekt og tiltak som det kan vere aktuelt å prioritere i første del av ny transportplan. Dette vil eg sjå i samanheng med andre innspel eg har fått tidlegare i arbeidet, seier samferdselsministeren.
(ekstern lenke)
(©NPK)
– Dette er eit viktig grunnlag for det vidare arbeidet vårt og vil hjelpe oss å bruke ressursane best mogleg i Nasjonal transportplan 2022–2033, seier samferdselsminister Knut Arild Hareide i ei pressemelding.
Jernbanedirektoratet, Bane NOR, Kystverket, Nye Veier AS, Statens vegvesen og Avinor AS har tidlegare foreslått kva for prosjekt som bør prioriterast i ny transportplan. No har samferdselsministeren fått oppdaterte berekningar av kostnader og samfunnsøkonomisk lønsemd.
Store innsparingar og nytenking gjer at Statens vegvesen kan foreslå 46 store vegprosjekt og strekningsutbetringar i første del av transportplanperioden. Dette er prosjekt som er klare for utbygging.
– Dette er eit resultat av at Vegvesenet har redusert kostnader med 50 milliardar kroner på vegprosjekta som ligg i NTP. Dermed kan vi foreslå at nye prosjekt vert prioritert inn, seier vegdirektør Ingrid Dahl Hovland i ei pressemelding.
– Verksemdene våre skal jobbe kontinuerleg med å redusere kostnader og få opp nytten i alle prosjekt og tiltak, slik at vi bruker fellesskapsressursane best mogleg. Vi skal no setje oss grundig inn i oppdaterte tal. Eg er kjent med at nye berekningar også gjer at det no er trekt fram nye tiltak og prosjekt. Samla gir dette eit nytt bilete av kva for prosjekt og tiltak som det kan vere aktuelt å prioritere i første del av ny transportplan. Dette vil eg sjå i samanheng med andre innspel eg har fått tidlegare i arbeidet, seier samferdselsministeren.
(ekstern lenke)
(©NPK)
Publisert: 16.10.2020 10:02
Sist oppdatert: 10.02.2021 15:24
