Teige Rederi frifunne for lønskrav

Frostating lagmannsrett har frifunne Teige Rederi for lønskrav frå to tidlegare tilsette, ifølgje Vestlandsnytt. 

Dei to maskinoffiserane vann fram i tingretten med krav på kring 440.000 kroner, men tapte altså neste rettsrunde. 

I staden for å få innfridd krava, må dei betale reiarlaget sine sakskostnader på 185.000 kroner. Det gjeld ankebehandlinga i lagmannsretten. 

Bakgrunnen for usemja er ulike vurderingar av konsekvensen av fleire endringar i Teige Rederi-systemet, der Sigurd Teige og familie, er eigarar.

Saksøkarane slutta i selskapet i løpet av hausten 2022, men meinte dei hadde utbetalingar til gode, og gjekk til sak.

Hovudpoenget i saka gjeld om dei to hadde rett på inntekter frå leigefartøyet Sjøbris etter dei hadde slutta i jobben.