Vil ha fleire på yrkesfag

NPK-NTB-Gunnhild Hokholt Bjerve: Yrkesfag som obligatorisk valfag og betre rådgiving. Slik vil Høgre sikre at fleire ungdommar vel rett linje på vidaregåande og færre fråfall.

– Mange opplever at ungdomsskulen er for teoretisk og innretta mot studiespesialisering, seier utdanningspolitisk talsperson Jan Tore Sanner i Høgre til NTB.

Partiet vil at alle på ungdomsskulen skal ha eit obligatorisk valfag som svarer til ei yrkesfagleg studieretning. Det kan gjerast i samarbeid med dei vidaregåande skulane eller med lokalt næringsliv, ifølgje Sanner.