Vil opne for skjenking på stader med lite smitte

(NPK-NTB): Stortinget ber regjeringa sikre at kommunar med lågt smittetrykk skal kunne tillate alkoholservering i samband med matservering.
Det vart klart då Stortinget tysdag voterte over eit forslag frå Siv Jensen på vegner av Framstegspartiet tysdag ettermiddag.
Måndag vart det klart at regjeringa fører vidare regelen om at restaurantar og pubar ikkje har lov å servere alkohol, men at dei skal vurdere forbodet på nytt neste veke.
No ber Stortinget regjeringa om å tillate servering i kommunar der smittesituasjonen tilseier det.