Virke skuffa over skjenkestopp

(NPK-NTB): Smitteauken den siste tida kjem ikkje av serveringsbransjen, meiner Virke, som er svært skuffa over forbodet til regjeringa mot å servere alkohol etter midnatt.
Innstramminga, som gjeld frå natt til søndag, kan verke imot føremålet sitt, meiner Virke-direktør Ivar Horneland Kristensen.
– Vi har forståing for behovet for å stramme inn, men dette kan i verste fall verke imot føremålet sitt viss det blir fleire festar heime hos folk, i parkar og på andre stader der det ikkje er profesjonelt oppsyn, seier han.
– Smitteauken kjem ikkje av serveringsbransjen, som har jobba knallhardt for å sikre at smittevernreglane vert følgde, seier han og peikar på at bransjen allereie er hardt ramma av koronapandemien.
(©NPK)