Øytank-reiarlaget i Giske er dømt til å betale meir enn ti millionar kroner til Bunker Oil, ifølgje ei dom i Sunnmøre tingrett, melder Sunnmørsposten.
Bunker Oil gjekk til sak mot reiarlaget etter at dei rauk uklare etter frakt av 1,6 millionar liter olje, som var ureina med kalk og sjøvatn. Retten meiner det ikkje er ført bevis for at olja blei ureina andre stader enn om bord i MS «Øytank», skriv avisa.
Selskapet Øytank Shipping må betale 9,3 millionar i erstatning og sakskostnader på 750.000 kroner.
Publisert: 26.11.2020 14:09
Sist oppdatert: 19.04.2021 11:07
