Sunniva Ullavik Erstad (32 år) er tilsett som kommunikasjonsrådgivar for Bypakke Ålesund.

Ho har ein mastergrad i medievitskap frå Universitetet i Bergen. Ho har óg studert kreativ webdesign. Sunniva Ullavik Etstad har tidlegare jobba som kommunikasjonsrådgivar i VIS og i Kystverket. Ho kjem frå ei stilling som kommunikasjonsrådgivar på NTNU.

Bypakke Ålesund er den største samferdselsinvesteringa i Ålesund på lenge, både knytt til bompengar og til alle som blir berørte av utbyggingsprosjekta. For å lykkast med prosjekta, er god kommunikasjon til rett tid viktig. Nedbetalinga av Bypakken er fordelt på omlag 15 år og minst 24 små og store prosjekt, til ein verdi av 4 milliardar kroner.

Ein viktig del av kommunikasjonsjobben er å legge til rette for at interessentar og innbyggarar får informasjon til riktig tid om samferdsels- og utviklingsprosjekt som gjeld dei. Både Statens vegvesen, Møre og Romsdal fylke og Ålesund kommune har ansvar for å kommunisere sine prosjekt. Men kommunikasjonsrådgivaren skal samordne og sørge for at det som går ut blir einskapeleg. Stillinga ligg til Ålesund kommune, i kommunikasjons- og trykkeristaben.

Det var 10 søkarar til stillinga. Sunniva Ullavik Erstad begynner i stillinga 18. oktober.