Auka sal for Karsten Flem

Auka produksjon av sild og makrell, samt høgare prisar på klippfisk resulterte i at fiskebebedrifta Karsten Flem på Longva hadde rekordomsetning i fjor.

Omsetninga kom opp i 167,2 millionar kroner, og resultatet før skatt enda på 7,7 millionar kroner. Året før hadde bedrifta eit resultat før skatt på minus 3,8 millionar.

Lang tradisjon
Bedrifta held til like ved Longvafjordvegen mellom Haramsøya og Flemsøya, og har tradisjon heilt tilbake til 1910.

Det var rundt 1930 at dåverande drivar Karl Flem satsa på tørrfisk.

Seinare har det vorte satsa både på produksjon av saltfisk og tørrfisk, i tillegg til kjøp og sal av sild og makrell.

Optimisme
Karl Flem var bestefar til dagens drivar Karsten Stig Flem, som eig 50 prosent av selskapet. Den andre halvparten eig Joachim Johnsen Flem.

Bedrifta har 15 tilsette, og styret skriv i årsmeldinga at ein er optimistisk for framtida, sjølv om konkurransen er hard.

Selskapet har ein samla eigenkapital på 53,5 millionar kroner, og ei langsiktig gjeld på 18,0 millionar.