Auka utlånsveksten

Ved utløpet av 2. kvartal i år har Sparebanken Møre auka utlåna til næringslivet med 5,6 prosent i siste 12-månadarsperiode.

Det betyr at utlånsveksten har tatt seg opp igjen etter 1. kvartal i år. Då var utlånsveksten til næringslivet 3,8 prosent i siste 12-månadarsperiode, med tilsvarande tal for utgangen av 2021 var 5,4 prosent.

Utlån til privatkundar har auka 4,1 prosent i siste 12-månadarsperiode viser Sparebanken Møre sin 2. kvartals- og halvårsrapport, som er lagt fram i dag.

Samla utlåna auka 4,6 prosent.

Les børsmelding her

Banken auka lønsemda (sjå tabell) og er optimistisk på Nordvestlandet sine vegne, sjølv om konsekvensen av krig og pandemi kan bli utfordrande.

– Aktiviteten i det lokale næringslivet er god, og vi ser også at bustadmarknaden har halde seg godt oppe i vår region. Kostnadsauke på både råvarer og energi kombinert med eit stigende rentenivå, bidrar likevel til at vi er svært bevisst behovet for tett dialog med kundane våre, seier Sparebank Møre-sjef Trond Lars Nydal i ei pressemelding.