Børsdagen: Årsrekord for Hav Group

Hav Group-aksjen har stige over 63 prosent i verdi frå slutten av 2022 og hittil i år. I dag steig aksjekursen 5,34 prosent, til 13,80 kroner aksjen.

Det verdset selskapet til 483 millionar kroner, opp 186 millionar hittil i år.

Det er den høgaste verdien sidan 18. august 2022.

Hav Group blei børsnotert i mars 2021 og nådde sin førebelse kurstopp - 17,80 kroner aksjen - 21. mars 2022.

Selskapet er skilt ut frå det som tidlegare var Havyard Group og omfattar skipsdesign, løysingar for handtering av ballastvatn, skipselektronikk og løysingar for bruk av hydrogen som energiberar på skip.

6. mars melde selskapet at det har fått ei DNV-godkjenning av ei kontainerløysing poå dekk for hydrogenanlegg på skip. Det utløyste eit markert kurshopp, og kursen har halde fram med i stige hittil denne veka.