Roger Hofseth foto Ogne
NY STUDIE: Roger Hofseth har bygd opp Hofseth Biocare gjennom ei årrekke. No fortel selskapet om lovande resultat frå bruk av eitt av deira lakseoljeprodukt. Foto: Ogne Øyehaug
Nytt

«Banebrytande» studie for covid-pasientar

Hofseth Biocare skal i gong med ny studie for å undersøke fleire effektar.

Marius Rosbach
14.08.2024

Hofseth Biocare fortel onsdag om lovande resultat frå ein studie om effekten av eitt av deira produkt for personar ramme av covid-19.

Bioteknologiselskapet har i fleire år jobba med å utforske verknadene for koronapasientar.

Ga betring for covid-ramma
Ein studie som er publisert i International Journal of Molecular Sciences fortel at «OmeGo»-produktet til Hofseth-selskapet har potensiale til å betre situasjonen for personar med mild til moderat covid-infeksjon, ifølgje børsmeldinga.

Forsøkspersonane hadde betydeleg lågare nivå av sokalla pro-inflammatoriske cytokiner, som er avgjerande for å redusere komplikasjonar og symptom.

Deltakarane i studien opplevde også fleire fordelar med bruk av lakseolja.

Les heile undersøkinga her (ekstern lenke)

Skal i gong med ny studie
Selskapet skriv at forskinga kastar lys over rolla til lakseolje til bruk ved behandling av personar råka av «long-covid»

Vidare har Hofseth Biocare planar om å gjere ei ny studie på effektane av både luftvegssymptom, søvnkvalitet og betennelser påverka av forureining.

Resultata av den komande undersøkinga er venta å vere klare ved utgangen av 2024.

Publisert: 14.08.2024 21:39

Sist oppdatert: 14.08.2024 21:49

Mer om