Aukar inntektene, krympar underskotet

Forsking-og utviklingsarbeidet Hofseth Biocare dreiv for å utvikle eit legemiddel til bruk i behandling av prostatakreft er skilt ut i eit nytt selskap, HBC Immunology Inc i USA. Hofseth Biocare er majoritetseigar også etter ei kapitalutviding der nye investorar gjekk inn med 9,5 millionar kroner i august i august i år. Kapitalutvidinga verdsette HBC Immunology Inc til 20 millionar dollar, omlag 220 millionar kroner etter dagens kurs,

Utskiljinga gav Hofseth Biocare ei finansinntekt på 21 millionar kroner i andre kvartal i år og fem millionar i tredje kvartal.

Denne modellen for å kommersialiserer resultatet av utviklingsarbeidet til Hofseth Biocare vil selskapet bruke også framover.

- Det kjem til å skje i løpet av 2024, seier administrerande direktør Jon Olav Ødegård i Hofseth Biocare.

Satsar på legemiddel
Hofseth Biocare videreforedlar avskjær og restråstoff frå lakseslakteri til ingrediensear i dyrefôr og helsekostprodukt. Hovudkontoret ligg i Ålesund, produksjonsanlegget i Midsund.

RH Industri, som er eigd av primus motor for Hofseth Biocare, Roger Hofseth, er nest største eigar med 17,54 prosent eigarandel.

Dei siste åra har Hofseth Biocare gradvis auka satsinga på å utvikle produkt med dokumenterbar helseeffekt, både inn mot helsekostmarknaden med og mot legemiddelmarknaden.

Vekst sidan 2018
Som det går fram av resultat-tabellane er Hofseth Biocare framleis eit selskap med store underskot.

Frå 2018 har selskapet hadde ein jamn stigning i inntektene, og så langt i år har selskapet auka inntektene og krympa underskotet.