Brimer-tankar til oppdrettsanlegg

Oppdrettselskapet Bulandet Miljøfisk har bestilt 28 store oppdrettskar frå Brimer på Kvamsøya.

Kara blir ni meter djupe og får ein diameter på 24 meter. Dei skal brukast i eit oppdrettsanlegg som både kan levere smolt og drette opp fisken heilt til den er fem kilo og slakteklar.

Brimer opplyser ikkje prisen på oppdraget, men seier det er snakk om «ein betydeleg» kontrakt for selskapet.

Den første fisken skal settast ut i anlegget neste år. Brimer ein ein del av Entec-konsernet, med hovudkontor i Ulsteinvik.