Børsdagen: Endúr-opptur

Aksjane i industrikonsernet Endúr steig 20,81 prosent i dag og aksjen blei dagens soleklare vinnar på Oslo Børs.

Selskapet la fra kvartalsrapporten for 1. kvartal 2022 før børsen opna i dag tidleg, og investorane i aksjemarknaden likte det dei fekk høyre.

Selskapet betrar lønsemda, gjelda er på veg ned i den grad at konsernet t vurdere at det kan få ny og rimlegare finansiering, samstudes som ordrereserven er solid og forventingane til komande vekst stor.

Artec Aqua i Ålesund er største og viktigaste selskap i konsernet. Selskapet teiknar og prosjekterer landbaserte oppdrettsanlegg.

Artec Aqua-grunnleggarane Bjørn Finnøy, Bjørnar Flem og Victor Fiveland selde i januar 2021 selskapet til Endúr for 690 millionar kroner, der halvparten av kjøpesummen vart betalt med aksjar i Endùr.

Handelen gjorde dei tre til største eigar i Endùr og aksjeposten vart verdsett til 345 millionar kroner då dei tok over. Dessverre for både dei og resten av Endùr-eigarane har svake resultat og fleire negative nyhende frå selskapet gjort at aksjekursen har falle i rykk og napp.

Like etter at Artec Aqua blei ein del av Endúr-konsernet var aksjekursen oppe i 1,51 kroner per aksje. Før børsen opna i dag var aksjekursen 0,42 kroner per aksje, like over botnnoteringa på 0,40 kroner per aksje ved børsslutt tysdag 10. mai.