Børsdagen: Fekk ikkje løft etter godt nytt

To selskap frå Nordvestlandet, Havila Kystruten og Hav Group, kom med det som isolert sett er positive nyheiter for selskapa.

Likevel fekk ingen av dei opptur på børsen etterpå.

Hav Group melde tidleg onsdag at dei er industriell partnar og medeigar i eit selskap som utviklar eit anlegg som spaltar hydrogen ut av ammoniakk. Dei håpar at arbeidet skal opne ein ny marknad.

Investorane sendte Hav Group-aksjen opp i første omgang, men etterpå fall den til eit lågare nivå enn før nyheita.

Aksjen slutta dagen med ein kurs på 9,5 kroner – og ein oppgang på 1,06 prosent.

Havila Kystruten kunne onsdag fortelje at dei skal møte ein rekke investorar i arbeidet med å låne kring 4,7 milliardar kroner.

Arctic Securities, Fearnleys Securities og Nordea er leigd inn for å hjelpe til med å få på plass eit treårig obligasjonslån på 390 millionar euro.

Investorane reagerte med å sende aksjen ned – og vart på eit tidspunkt handla til 6,1 kroner – som er tangering av den tidlegare botnnoteringa for aksjen.

Saman med Havila Shipping, var reiarlaget dagens børstapar frå regionen.

Hovudindeksen på Oslo børs enda med ein nedgang på 0,93 prosent til 1198,54.

Sjå børstabell for Nordvestlandet