Børsdagen: Populær avlysing

Børstabell for nordvestlandet under saka

Søndag kveld varsla industriselskapet Endúr at selskapet avlyste den planlagte kapitalutvidinga, der aksjonærar som ikkje fekk vere med på den retta emisjonen tidlegare i år skulle få sjansen til å vere med.

Endur henta tidleg i januar inn 140 millionar kroner i ny eigenkapital frå eit utvald gruppe aksjonærar, mellom andre største aksjonær - Artec Holding i Ålesund.

Kursen i reparasjonsemisjonen skulle vere den same som i den retta emisjonen, 27,50 kroner aksjen, og det skulle skrivast ut inntil 1.381.818 nye aksjar.

Men det er ingen vits med ein reparasjonsemisjon - sett fra investorane si side - dersom aksjen kan kjøpast like billeg eller billegare på børs.

Det var akkurat det som skjedde i Endúr sitt tilfelle.

Den avlyste reparasjonsemisjone betyr at eksisterande eigarar slepp å dele eigarskapen med fleire.

Det var eit melding som investorane i aksjemarknaden likte, for då børsen opna måndag gjekk kursen opp frå fredagens sluttkurs på 27,40 til 28,50 kroner aksjen i løpet av mindre enn 15 minutt. Ved børsslutt i dag var kursen oppe i 29 kroner aksjen.

Det er tre kroner under nivået frå før den første kapitalutvidinga vart varsla.

Til den kursen ville det vere interessant å delta i ein reparasjonsemisjon, men no er toget gått.