– Eg har vore her i 23 år, men vi har alltid klart å få til løysingar

HR-direktør Magne Gurskevik ved Kleven var også med då verftseigar Tomislav Debeljak møtte pressa etter å ha informert dei tilsette om at
– No er eg oppteken av å ta vare på dei tilsette og bidra til at dei får ro og tryggleik for situasjonen dei er i, seier Gurskevik til NETT NO.
Kring 225 tilsette i Kleven Maritime Contracting (KMC) og om lag 200 tilsette i Kleven Verft er råka av konkursen. Dei tilsette i KMC kjem i første rekke frå Romania og nokre frå Polen. Nokre av dei har flytte permanent til distriktet.
. Dei har minst 15 millionar kroner til gode, som vil vere dekka gjennom lønsgarantifondet.
Av dei kring 200 tilsette på verftet, er det kring 40 utanlandske statsborgarar, og dei fleste har budd lenge i Norge.

Har vore med på opp- og nedturar

Veteranen Gurskevik var inntil nyleg også administrerande direktør i Kleven Maritime Contracting. Han har vore med på mange opp- og nedturar ved verftet som har røter tilbake til 1939.
Sjølv om det har vore nære før, er dette første gong han har opplevd ein konkurs.
– Eg har vore her i 23 år, men vi har alltid klart å få til løysingar, seier han.

Jobbar som normalt

Førebels går arbeidet på verftet som normalt, og dei tilsette er bedt om å gå på jobb som vanleg inntil dei får vite noko anna.
– Vi har varsla kommunen og Nav i tilfelle det er noko dei kan bidra med, seier Gurskevik.
Div Group-eigar Tomislav Debeljak seier han vil ta rettslege skritt mot bankane som fraus kontoane deira – men at han vil bidra til at arbeidet ved verftet held fram.

Siste:

Imponert over dei tilsette

Det har vore skuldingar mot Div Group-tilsette om trakasserande oppførsel og forretningskulturen skal ha sjokkert verftstilsette og leverandørar. Gurskevik vil ikkje kommentere den sida av saka til NETT NO.
- Eg er imponert over kor godt dei tilsette har utført arbeidet sitt i denne situasjonen. Det viser kvaliteten som er i Kleven og kvar enkelt tilsett, seier HR-direktøren.
No er det bustyrar som blir utpeika av Sunnmøre tingrett, som tek hand om konkurssaka i første omgang. Ein moglegheit er at bustyret held fram drifta på verftet, medan det blir jobba med å eventuelt få inn nye eigarar.
Også Div Group-eigar Debeljak seier han vil på verftet.

Alt om Kleven-dramaet:

Nordnes-reiarlaget bygger på Kleven:

Klubbleiar:

Tillitsvalt:

Verftsdirektøren: