Evotec får Tau Tech-oppdrag

Evotec i Ulsteinvik skal levere handteringsutstyret til Tau Tech sin haneskjell-fiskebåt.

Båten skal byggast om frå forsyningskip til fiskebåt hos Fiskerstrand Verft og Evotec skal levere kabelen og handteringsutstyret som må til for å drive fisket.

Tidlegare denne veka vart det kjent at Bjørdal i Ørsta skal bygge fabrikken ombord.

Ideen til Tau Tech er å drive fiske etter haneskjell med ein metode som ikkje skadar havbotnen, der skjela blir plukka i staden for fanga i ein trål som blir slept på botnen.,

Målet er å restarte eit fiske som vart stoppa for fleire tiår sidan på grunn av overfiske og hardhendte fiskemetodar. Planen er å starte prøvefiske til hausten.