Ferje må skifte hovudmotor

Ferja MV Kvaløy må skifte hovudmotor og installasjonen skal skje ved Havyard-verftet i Leirvik.

Reiarlaget Torghatten Nord har tinga ny motor av typen Baudouin 12M26.3, ifølgje ei pressemelding frå Møre og Romsdal fylkeskommune.

Ferja trafikkerer til vanleg Utasundssambandet mellom Småge, Orta, Sandøya, Finnøya og Ona.

Sjølve arbeidet skal skje i januar og ferja skal vere tilbake i rute i starten av februar.

Bakgrunnen for motorskifte er eit havari kort tid etter verkstadopphald i haust.

Verken reiarlag, verft eller motorprodusent har førebels klart å finne ei konkret årsak til havariet.