Finansopptur for Ulsmo

Ulsmo-konsernet er eigd av Ulstein-syskena Gunvor, Tore, Vegard, Idar Marius og Ingerid Ulstein og deira familiemedlemer.

Konsernet er eigedomsinvestor gjennom Ulsmo Eiendom, eig 64 prosent av Ulstein Group og er majoritetseigar i Ulstein Finans.

Ulstein Group omfattar mellom anna Ulstein Verft, som meir enn dobla inntektene sine frå 2022 til 2023. Det medverka til at Ulstein Group gjekk frå underskot til overskot - og løfta også Ulsmo-resultatet (sjå tabell).

Verdiauke
Ulstein Finans investerer i verdipapir, og bokførte ein urealisert gevinst på 117 millionar kroner i fjor, går det fram av årsrekneskapen til Ulsmo-konsernet for 2023. Det utgjer nesten halvparten av resultatet før skatt i 2023.

Ved utløpet av 2023 var verdien av Ulsmo-konsernet sine verdipapirinvesteringar 755 millionar kroner.

Færre bustadar
I 2021 setter Ulstein Eiendom salsrekord for bustadar, med 83 selde bustader for tilsaman 355 millionar kroner. TIlsvarande tal for 2022 var 44 bustadar for 200 millionar kroner.

I 2023 selde Ulstein Eiendom i alt 29 bustadar, for tilsaman 147,4 millionar kroner. I lys av at stigande rente, høg inflasjon og lønsvekst gjorde sal av bustadar meir krevande var fjoråret tilfredsstillande, fortel selskapet i årsrapporten.

Fri Sikt-prosjektet på Volsdalsberga i Ålesund har vore det største bustadprosjektet til Ulstein Eiendom dei siste åra. I fjor vart det fullført.