Ulstein gjekk frå minus til pluss

I 2022 hadde dattterselskapet Ulstein Verft i Ulstein Group-konsernet sine lågaste inntekter på 25 år.

I fjor tok det seg kraftig opp, og konsernet meir enn dobla inntektene og snudde underskot til overskot (sjå tabell under)

Ulstein Group har gått gjennom nokre utypiske år for skipsbyggjarkonsernet, utan levering av nybygg frå datterselskapet Ulstien Verft. Det har prega rekneskapen i 2022.

Då skroget til Olympic-skipet Olympic Boreas kom til verftet i januar i år var det det første på meir enn to år. Ekspedisjonscruiseskipet National Geographic Resolution var det siste nybygget som la frå kai – hausten 2021.

I fjor var det langt meir å gjere:

«Ulstein har hatt eit høgt aktivitetsnivå i 2023, spesielt innan ettermarknad og service. Ulstein Verft hadde ved utgangen av 2023 sju nybyggkontraktar i ordreboka, alle innan fornybar energi, og seks av sju baserte på design frå Ulstein Design & Solutions AS. I tillegg kjem ei auke innan service og ettermarknad. I 2023 handterte Ulstein Verft meir enn 20 skip for 14 forskjellige kundar. Tenestene femner om livssyklusservice, oppgraderingar, klassing og dokkingar, som også fører til leveransar frå fleire Ulstein-bedrifter», skriv konsernet i ei pressemelding om resultatet for 2023.

Betra konkurranseevne
Som i 2022, var fjoråret prega av høg prisstigning på material, auka løner og høgare renter.

På den andre stida har svak krone gjort at det har blitt relativt billegare å bygge i Noreg samanlikna med utlandet.

Norsk verftsindustri er meir konkurransedyktig enn på lenge, skriv Ulstein Group i pressemeldinga.