Fyller ut for ny fiskerihamn som opnar neste år

For å etablere den planlagde fiskerikaia på Gjøsund i Giske skal to område fyllast ut. Første del av kaia skal etter planen opne neste år, opplyser kommunen i ei pressemelding. 

Gjøsund Hamn skal utviklast som nasjonal fiskerihamn og arbeidet med å utvikle det kommunen omtalar som «framtidas smarte hamnemodell», har gått føre seg i fleire år. 

Stordal-selskap fekk oppdrag
Busengdal har sikra seg arbeidet med å fylle ut området som vil gjere at satsinga tek eit avgjerande steg vidare. 

Kontraktsverdien på oppdraget for entreprenørselskapet med base i Stordal er kring ti millionar, får Nett No opplyst.

– Vi er glade for at ein regional entreprenør blir med på dette viktige infrastrukturarbeidet for å realisere Gjøsund hamn, slik at vi får styrka den regionale verdiskapinga og infrastrukturen, uttaler kommunedirektør Karl André Birkhol i Giske i meldinga. 

Avtale med fryseri- og bunkringsaktør
Tidlegare er det inngått opsjonsavtaler med Logingroup om fryseri og MHService er vald som bunkringsaktør. Desse avtalane kan bli realisert når fiskerikaia er på plass, skriv kommunen i meldinga. 

Etter områda er fylt ut neste år, kan bygginga av sjølve kaia starte.

Kommunen har stor tru på auka næringsutvikling i området framover. Frå før er det mellom anna laga til kring 350 mål med nytt næringsareal på sørspissen av Vigra.