Færre gjestar, betre resultat

Trass i eit fall i driftsinntektene på 3,2 millionar kroner gjekk Stryn Hotel ut av 2020 med eit resultat før skatt på 2,3 millionar kroner. (sjå tabell).

Selskapet sysselsette 12 årsverk i 2020 mot 15 i 2019 og hadde også reduserte driftskostnadar, som til saman var større enn fallet i driftsinntekter.

Selskapet er tradisjonelt retta mot turistmarknaden om sommaren og nedskalerer drifta og er retta mot forretningsmarknaden i vinterhalvåret

Stryn Hotel er ein del av Vest Hotell Holding-konsernet , som er eigd 50/50 av Ole Kristian Nedberg og Leif Flemming Bakke.

Det andre hotellet i konsernet er Lærdal Hotell, som er eit sommarhotell retta mot turistmarknaden. Hotellet i Lærdal fekk meir enn halvert driftsinntektene i fjor og gjekk frå pluss- til minusresultat. Det er årsaka til at konsernet sitt resultat bikka under null. (sjå tabell).