Første messe etter korona

Den verdsomspennande koronaepidemien har ikkje gjort slutt på behovet for å møtast, spesielt når nye kundar og samarbeidspartnarar skal rekrutterast.

- Det å knyte relasjonar via teams det er ikkje like enkelt, sier Følsvik.

PE Bjørdal skal ha fire personar fast i Trondheim for å bemanne standen under Aqua Nor-messa frå tysdag 24. til fredag 27. august, i tillegg til at tre-fire andre frå selskapet vil vere innom for å møte forretningspartnarar, leverandører og kundar.

Mindre reising
Smitteverntiltak og restriksjonar mot koronapepidemien tvinga også PE Bjørdal til å ta i bruk digitale kommmunikasjonskanaler, med hell.

Sjølv om messer som Aqua Nor har livets rett vil det likevel bli færre reiser og møter i næringslivet framover. Fleire møter der folk kjenner kvarandre og prosjekta frå før kjem til å gå føre seg digitalt også etter koronaepidemien, meiner Følsvik.

- At vi kjem til å redusere reiseverksemda er det ingen tvil om, seier han.

Vekst
PE Bjørdal lagar anlegg og utstyr til både oppdrett- og fiskeri.

Selskapet har hatt tre år på rad med kraftig vekst (sjå tabell), ein vekst som har halde fram i år og skal halde fram også neste år, ifølgje Følsvik.

PE Bjørdal har ein ordrereserve som strekkjer seg inn i 2022.

- Vi har signert fleire gode ordrar det siste året, til trass for at vi ikkje har kunna reist og treft kundane, seier han.

Over 80 utstillarar
Over 80 bedrifter frå Møre og Romsdal og Nordfjord er utstillarar på årets Aqua Nor, ei av verdas største messer for utstyr- og reiskapsleverandørar til oppdrettsnæringa.

Aqua Nor blir arrangert i Trondheim annankvart år og alternerer med fiskerimessa Nor-Fishing.

(sjå lista over utstillarar frå Møre og Romsdal og Nordfjord nederst i artikkelen. Manglar nokon, send gjerne ei melding til ogne@nett.no.)

Stor jobb
For Robin Slyngstad i Slyngstad Reklame på Skodje er Aqua Nor og Nor-Fishing ei av dei største inntektskjeldene for selskapet i løpet av eit år.

Aqua Nor 2021 er det første større messeoppdraget for Slyngstad Reklame sidan koronaepidemien kom i fjor.

Slyngstad Reklame byggjer mellom anna stands for utstillarane på messa, ein jobb som Robin Slyngstad seier står for omlag 15 prosent av inntektene til selskapet i eit normalår.

No Slyngstad håpar Aqua Nor blir vellukka, også smittevernmessig.

- Klarer dei å gjennomføre eit så stort arrangement som dette som vil nok resten av messene blir gjennomført som normalt, seier Slyngstad