Godt fjorår for Strandafjellet Skisenter

Tidleg snøfall og ein stabil vinterhar gjort at alpinanlegget i Stranda også har sett sesongrekord.
Les også:
Skisenteret auka i fjor salsinntektene med 4,5 millionar kroner og enda på 16,7 millionar i fjor. Selskapet hadde i tillegg i likheit med året før andre driftsinntekter på 2 millionar kroner, det er i hovudsak leige- og annonse/reklameinntekter. Dermed vart dei samla driftsinntektene på 18,8 millionar i fjor.
Resultat før skatt vart 1,2 millionar i fjor, mot eit underskot året før på 1,6 millionar.

Målet er yttarleg 20-30 prosent vekst

Strandafjellet Skisenter er det klart største og einaste heilkommersielle alpinanlegget på Nordvestlandet. Selskapet står for omlag halvparten av dei samla driftsinntektene til skianlegga i Nordfjord og på Sunnmøre.
Les også:
Dagleg leiar Stian Græsdal sa tidlegare i år at målet er å kome opp i 21-23 millionar kroner i årlege inntekter. Då meiner selskapet det vil få ei lønsemd som gir grunnlag for ytterlegare investeringar.
Skisenteret hadde 12,5 årsverk tilsett både i fjor og året før.
Det er Frode Kjølås, Per Magne Grøndal, Bjarte Tunold og Stig Jarle Rødseth som eig selskapet gjennom hhv. Kjølås Stansekniver as og Strandafjellet Holding as.